كمرات السلم(المكسره)
الكمرات المكسره ( كمره مع السلم - كمره فخده ب لغه الموقع )
👈- مش شرط ان كل كمره مكسره بيتم امتداد الحديد لعمل مقص عند كل وصله .... الموضوع دا بيعتمد علي شكل المومنت ( مكان قيم المومنت الكبيره او الاجهادات العاليه) لان شكل تسليح اي قطاع بيعتمد علي شكل المومنت ( والاجهادات) الناتجه من الاحمال اللي بتؤثر علي القطاع. مش فاهم يعني ايه ؟؟
👈مبدأيا انا بحط الحديد الرئيسي ناحيه اتجاه المومنت والحديد الاخر بيبقي حديد ثانوي... ولو حصل تداخل للمومنت بعمل مقص
👈بص ف الصوره (1) عند الوصله(2) شكل الBMD هنلاقي المومنت الرئيسي هو المومنت السفلي وبالتالي لابد من عمل مقص ويمتد الحديد بعد الوصله لمسافه ال Ld..... اما الوصله (1) الحديد العلوي محطوط لمقاومه المومنت الصغير (WL2/24) عند العامود ويمتد لمسافه 0.2L يعني مش لازم اعمل مقص وامد الحديد مسافه Ld طالما محقق المسافه 0.2L ( بمده لمسافه 25 او 30 سم بعد الوصله علشان اعلق حديد الكانات)
-يتم حساب Ld من المعادله او من الجدول ( في الكود)
👈-طيب لو انا نقلت العامود للداخل شويه بحيث انه يكون فيه كابولي للكمره (صوره رقم (2) ؟؟
- بص في الصوره رقم (2) ولاحظ المومنت هنا ف الوصله(3) لازم امد الحديد مسافه الLd واعمل مقص... اما في الوصله (4) مش لازم امد الحديد واعمل مقص
- لاحظ الفرق بين المومنت والوصله (1) والوصله (3)
والفرق بين المومنت والوصله (2) والوصله (4) وانت هتفهم المضمون من الكلام
👈- ف لوحه الshopdrawing وف التنفيذ نفذت الوصله (1) وعملت مقص بالرغم ان مكنش لازم امد الحديد واعمل مقص لكن انا عملت مقص علشان الاستشاري عايز كدا ومهما اشرحله مش هيقتنع. فيه ناس حافظه الكلام فقط ولا تقبل اي تغيير.
👈- دي فسافيس انشائيه يا هندسه ملهاش لازمه ...لأ .. انا حبيت اوضح بعض النقاط
1- لازم تبقي عارف الصح ايه وتكون دقيق ف شغلك حتي لو مش هتنفذ بالدقه العاليه
2- اللي يقولك التنفيذ ملوش علاقه بالتصميم يبقي غلط... كل معلومه انت بتاخدها مرتبطه ببعض التصميم مع التنفيذ ... مشكلتك انت اللي مش عارف تربط الدنيا ببعضها
3- بالنسبه للطلبه- ذاكر كويس وافهم استراكشر كويس جدا وحاول تربط الاستراكشر بالخرسانه وانت بتذاكر هتبقي قوي ف مجالك بعد كدا وهيسهل عليك حاجات كتير.
4- مفيش معلومه بتاخدها موجوده عل الورق فقط وملهاش وجود... دور حواليك وافهم كويس هتلاقي ليها وجود ف ارض الواقه ومحسوسه
5- برامج التصميم هي اداه لمساعده المهندس فقط ... لازم انت تكون فاهم.
Eslam Taha
#civilway
تعليقات
إرسال تعليق